Mikið að gera

Þvílíkur dagur, byrjaði að vinna kl 4,45 og vann til 13,00 fór þá í ræktina,
hljóp 5 km og lyfti svo lóðum.
Náði í stelpurnar í skólan, kom heim og byrjaði að baka biskvíer (sörur) og á meðan plöturnar (fjórar plötur og 57 biskvíer )voru í ofninum lagaði ég mat fyrir mig og stelpurnar og núna er kl 18,30 og allt er klárt, uppþvottavélin í gangi og búinn að taka til í eldhúsinu.
Ég er bara nokkuð stoltur yfir mér :-)

Hjól

Á sunnudaginn eiga Ellen og Olivia afmæli og við Pia höfum ákveðið að gefa þeim hjól í afmælisgjöf svo að í gær fór Pia í nokkrar hjólabúðir í bænum að skoða hvað fanst.
Hún fann svo fín hjól í einni búð og svo eftir vinnu fór ég þangað til að kaupa þau. Svakalega flott hjól annað rautt en hitt bleikt sem eru litirnir þeirra, Ellen elskar bleikt og Olivia elskar rautt. Hjólin voru annars eins en það var þó nokkur verðmunur á þeim (1700 og 2200) sem mér fanst skrítið svo ég spurði afgreiðslu konuna um ástæðuna, jú það rauða er ársmótel 2008 og það bleika 2009 !!! en þau eru eins sagði ég þá, nei annað er rautt og hitt bleikt!!! Mér fanst það nú samt skrítið þar er jú enginn vél eða annað sem getur orðið lélegt af að standa.
Ekki er öll vitleysans eins.
En svo er annað mál að í dag skiptum við hjólunum :-)

Milliríkjadeila

Allvarleg milliríkjadeila hefur komið upp á milli Svíþjóðar og Rússlands.
Þannig var að skemtiatriði sem var í einu hléinu í Sænsku söngvakepnini var of gróft fyrir Rússana, og sendiherra rússa hér sagði að höfundarnir ættu heima á geðveikrarhæli og þetta væri mjög allvarlegt fyrir samband rússa og svía. SVT (sænska ruv) fór með blóm í sendiráðið og baðst afsökunar, og þá urðu svíar reiðir og þá þurfti svt að bíðja sænska áhorfendur afsökunar.
Þetta atriði er það vinsælasta á youtupe hér í svíþjóð.
Þið verðið bara að skoða það.
Maður skrivar MELLO TINGELING GLOBEN góða skemtun.
ps: Fyrir þá sem búa í noregi segja þeir hér í svíþjóð að norska lagið vinni, en þeir hafa líka sagt í mörg á að sænska lagið vinni, og þeir hafa ekki haft rétt.